Geeyakawathagotha Wiki
Register
Advertisement
විදුලි මිණි පහන්
ගායනය ගුණදාස කපුගේ
පද රචනය ලූෂන් බුලත්සිංහල
සංගීතය ගුණදාස කපුගේ

ගුණදාස කපුගේ මහතා විසින් ගායනා කරන මේ ගීතය සමාජයේ පන්ති භේදය ගැන කියවෙන ගීයක්.පීඩිත පන්තිය ගැන ඔවුන්ගේ දුක කම කටොලු සහ ධනපතීන්ගේ නාස්තිකාර ජීවිතය ගැන පැහැදිලිව කියවෙන ගීතයක්. ගුණදාස කපුගේ මහතා බොහෝ අවස්ථා වල දූගී ජනතාවගේ දුක ගැන ගීත ගායනා කරලා තියෙනවා. ලුෂන් බුලත්සිංහල මහතා ලියපු මේ ගීතයේ පන්ති භේදය, සමාජ පන්ති වල ඇති දුරස්ථ බව පැහැදිලි වෙනවා.

ගී පද[]

විදුලි මිණි පහන් දැවී
බොළඳ ගී සිනා රැළී
නිලංකාර අදුරේ සිරවී සැඳෑ සාදයේ
කුරා කුහුඹු මිනිසා වෙමි මා
ඔබේ මන්දිරේ..//

එන්න කන්න බොන්න මිහිරේ
සැමටයි ආරාධනා
ඔබේ හඬ කිදී සිදී යයි
කතා සරිත් සාගරේ..//

දෙන්න කන්න බොන්න කොකියා
දෙනෙතින් ආරාධනා
දෑත පා ඉඳුල් යදී ඇස්
ගයා හංස ගීතිකා..//

ඔබේ ලෝකයෙන් එහා
මගේ ලොව බලා හිඳී
පළා යමි ඔබේ ලොවෙන් මා
දෙපා සමු නොදී..//

විචාරයන්[]

ගීතයේ කියවෙන්නේ ධනවත් පවුලක තරුණියකට පෙම් බඳින දුප්පත් තරුණයෙකු ගැනයි. (බොහෝ මූලාශ්‍ර වල සඳහන් පරිදි.) ඉහල සමාජ පන්තියක තරුණියක් හා ජීවත් වීමේදී තරුණයට දැනෙන හීනමානය ගැන මුල් පද කිහිපයෙන් කියවෙනවා. ඔහුගේ සමාජ මට්ටමේ ඇය දුක විඳිද්දී ඉහල සමාජයේ සිදුවන නාස්තිකාර සාද වැනි දේ ගැන ඔහු අකමැත්ත පල කරනවා. තමන් සිටින මේ ලෝකයෙන් එහා දුක විඳින ජනතාව දහස ගණනක ඉතා අමාරුවෙන් ජීවිතය ගැට ගසා ගන්න බව ගීතයේ පවසනවා. ගීතය අවසානයේ ඔහු ප්‍රේමයෙන් මිදී තමා සිටි ලෝකයට යන බවක් පවසනවා. ඔහුගේ ලෝකය තියෙන්නේ ධනපතීන්ගේ ලෝකයේ නොවෙයි සාද පැවැත්වෙන සුඛෝපභෝගී පරිශ්‍රයෙන් එහා දුප්පත් ලෝකයේ බව ඔහු වටහා ගන්නවා.[1][2]

විශේෂ තොරතුරු[]

  • ගීයට එක්තරා අපරදිග පරිවර්තන කතාවක් පාදක වී ඇත.(වැඩිදුර තොරතුරු නොමැති හෙයින් තහවුරු කිරීමක් අවශ්‍යයි.)  
  • කෙසේ වුවත් ගුණදාස කපුගේ මහතාගේ සංගීතයෙන් හා ගායනයෙන් ගීතයට ලැබී ඇත්තේ ඉතා අලංකාරයක්. සැක්සෆෝනය භාවිතයෙන් සංගීතයට සුවිශේෂ අලංකාරයක් ලබා දී තිබෙනවා.

යොමු[]

සින්දුව බාගතකරන්න/අහන්න[]

වීඩියෝව නරඹන්න[]

Viduli_mini_Pahan-Gunadasa_Kapuge

Viduli mini Pahan-Gunadasa Kapuge

Song Chords[]

මූලාශ්‍ර[]

Advertisement